Transcription(s) de cette page

folio 4 verso (espagnol)

[f.4v]
LIBRO I. DELA SILVA
hay otra mayor y menos suffrible contradicion, que si esto
fuera assi, o como otros dixeron, que diez anos de a-
quellos hazian un ano de agora, y fuera, que los hom-
bres pudieran tener hijos y engendrar entonces siendo de
siete o ocho o diez anos, cosa contra toda philosofia na-
tural. Y que esto se siga esta muy claro, pues leemos
enel Genesis capitulo quinto, q Seth hijo de Adam engen-
dro a Enoch siedo de ciento y cinco anos : pues si diez anos
de aquellos valiessen uno de agora, ciento y cinco val-
drian diez anos y medio, y fuera haver hijos siendo de
diez anos. Pues enel mismo lugar se escrive de Cayn, que
de seteta engendro y huvo hijos, que seria dezir a su cuen-
to destos, que de siete anos delos de agora era quando
los huvo. Y de muchos menos, si como algunos dixeron do-
ze anos de entonces hiziessen uno de agora. Y tambien se
vee mas clara la falsedad dela opinion, desta manera : si el
ano no fuera mas que la decima o dozena parte de ago-
ra, siguiera se que aquel ano tal no tuviera doze meses,
o fuera el mes de tres dias : y esto es falso, porque el
mismo testo dela sagrada escriptura enel capitulo septi-
mo del Genesis dize, que començo el diluvio general enel
segundo mes alos diez y siete dias del mismo mes : loqual
muestra ser los meses como agora lo son. Pues la otra opi-
nion delos otros, que el ano de aquellos tiempos fuesse la
quarta parte del de agora y fuesse de a tres meses cada
ano : misma escriptura lo haze tan falso, como esta
otra, porque enel mismo lugar enel capitulo octavo di-
ze, que anduvo el arca de Noe sobre las aguas nadando,
y que al septimo mes alos veynte y siete dias del, dexo de
nadar : porque yvan menguando las aguas, y hallo as-