Transcription(s) de cette page

Le duc Philippe le Bon à son garde-joyaux- Jean de Boulogne. 4 octobre 1443. Copie (français)

PHILIPPE LE BON, DUC DE BOURGOGNE A SON GARDE-JOYAUX JEAN DE BOULLONGNE, DIT LACHENET
(Papiers Granvelle 1, 4-5)
Florenges . 4 octobre [1443]
Boullongne, j'ay receu vos lettres et aussy celles de Guy Guilbault et Jehan Gros, par lesquelles j'ay sceu ce que ils ont fai et pour moy, dont je suys bien content, combien que je euisse bien à faire de plus, se avoir le pouvoye, et m'a esté bien besoing ce que j'avoye, car aultrement mon faict se fust mal porté ; et pour ce apoinctez avec lesdicts Guy et Jehan, tellement qu'ils soye contens; car je seroye très-mal content que nul eust domaige sur ma seureté , et pour ce faictes tant qu'il n'ait en leur faict nulle fauste qu'ils ne soyent contens aveuc tous aultres à qui vous savez où je suis tenu. Quant au chancelier [Rolin], ainsi que aultrefois ly ay oy dire, il ayme mieulx son apoinctement en Bourgoingne que par delà, et pour ce que de présent il n'est point devers moy, je n'en puis pour présent savoir aultre chose et quant à [vous faire] scavoir le lieu ou vous m'envoyerez ce que m'avez faict scavoir, je ne vous scauroye mander le lieu, fors que là où je seray, et que ce soit le plus bref et le plus.largement que faire le pourez et aussi secrètement,