Transcription(s) de cette page

Le duc Philippe le Bon à son garde-joyaux, Jean de Boulongne dit Lachenet (français)

PHILIPPE LE BON, DUC DE BOURGOGNE, A SON GARDE-JOYAUX JEAN DE BOULLONGNE, DIT LACHENET.
( Papiers Granvelle, 1, 6- 7.)
Luxembourg, 11 décembre [1443].
Boullongne, ceulx de ce chastel de Luxembourg ont aujourd'huy accordé me laisser ledict chastel sans riens emporter que chascun ung petit baston blanc en leur poing, et seront quites tous prisonniers qu'ils tenoyent de mon party et dont ils ont leur foy. Et s'en estoit party le comte de Guelick [Le comte de Gleichen, qui commandait dans le duché de Luxembourg au nom de Ladislas, roi de Bohème et duc de Saxe] il y a huict jours par nuict, et avalé par ungne longue corde d'unne moult haulte roche en bas, et passa la rivière jusques aux espaules, combien que il y avoit bon guet de mes gens ; mais il faisoit sy obscur et ladicte rivière menoit sy grand bruyct, que ledict guet ne veoit ne n'oyot goute, et ainsy s'en alla sans dire adieu ; et s'il eust esté encores dedans ledict chastel, je ne le en eusse pas ainsy laissié aller, que je n'eusse eu les aultres places qu'ils tiennent. Et pourtant ne laissez point à faire ce que par Jacot de Bresille vous ay faict scavoir et me renvoyez ledict Jacot le plus tost que vous pourrez, avecq ce que faict aurez, et ne laissez point de besoingner oultre plus sy avant qu'il vous sera possible. Escript en la ville de Luxembourg, ce mercredi XIe jour de décembre [1443].
PHLE