Transcription(s) de cette page

RÉPLIQUE DU COMTE DE ROMONT AUX ETATS DES PAYS-BAS. (français)

Assche, 24 décembre 1484.
Messieurs, j'ay receu vos lettres, lesquelles j'ay envoyées à messieurs du sang, du conseil et gens des trois membres de Flandres estants devers monseigneur le duc en sa ville de Gand, par l'advis desquels et des capitaines et chiez de guère estans devers moy vous lais response.
Premier, où vous dictes que n'ay eu cause de demander ou enquérir se estez délibérez faire ou exploiter la guerre contre mondict seigneur le duc, car de ce n'avez jamais faict semblant, mais au contraire vous estes mis en debvoir pour icelle eschever.
Messieurs, avant que la puissance de Flandres ait esté mise aux champs, la voye de faict a esté commencée par ceulx qui ont sur-prins la ville de Reuremonde, qui est nuement de la conté de Flandres, à quoy vous scavez quelz faveur, adhérence et assistence y ont estez faiez et donnez par plusieurs de vous qui estez des estatz, et par ceulx des villes qui ont livré et soliuyé [Soudoyé] gens pour ce faire, et chascun jour rechoivent ceulx qui ce ont faict, et leur pillaige, et se exploictent journellement la guerre ceulx d'Anvers à fencontre du pays de Flandres. L'on est assez adverty que la pluspart de vous ont bonne et droicturiére intention à mondict seigneurie duc, comme à vostre prince et seigneur naturel; mais par le faict et subtilité de ceulx qui ont mis et bonté monseigneur d'Austriche en volenté de prétendre et demander droict ès pays de mondict seigneur le duc son lilz, vous estes tenus en telle crainte et subgection, que n'avez point liberté ne franchise d'en dire comme les corages vous jugent.
Messieurs, ne vous donnez point merveilles que je me nomme lieutenant général des pays de mondict seigneurie duc, et capitaine