Transcription(s) de cette page

RÉPLIQUE DU COMTE DE ROMONT AUX ETATS DES PAYS-BAS. (français)

de son pays de Flandres, car j'ay esté et suis ad ce commis et ordonné par l'advis de ceulx de son sang, du conseil et des membres, et du sceu et bon plaisir du roy [de France], mon souverain seigneur; et n'est pas chose estrange ne contraire au droict et bonnes moeurs qu'ainsi se faict; mais quelque chose que vous boutent en la teste ceulx qui vous aveuglent des termes de puissance paternelle. C'est chose bien estraigne [Etrange] et contre tous droix divins et humains, que cely qui n'a aulcun droict es pays et seigneuries de mondict seigneur le duc s'en nomme et porte seigneur, et en toutes choses, sans aulcune différence, en use comme les vrays seigneurs et propriétaires ont faict par cy-devant et que ainsy le souffrez.
Messieurs, Nostre Seigneur soit garde de vous. Escript à Assche, le XXIIIIe de décembre, anno IIII et IIII.
JACQUES DE SAVOYE.
A Messieurs des estatz des pays de Brabant, Lembourg, Haynnau, Hollande, Zellande, Namur et Malines, assemblez en la ville de Bruxelles.