Transcription(s) de cette page

MANIFESTE DE L'ARCHIDUC MAXIMILIEN, SERVANT DE REPONSE AUX REPROCHES DE CEUX QUI SE PORTENT POUR LES TROIS MEMBRES DU PAYS DE FLANDRES. (Papiers Granvelle, I 13 v° 6) (français)

nostredict filz, noz pays et subjectz; les quels nommez, ils se travailleroient volontiers de les estimer meilleurs que ne sont ceulx qui sont emprès nous et qui nous servent : qui est une grande présomption d'eux; car ceulx qui sont nommés particulièrement en eest article ne sont à comparer que à bourgeois, marchands et moindres; quant ils seroient gens de bien et nobles seigneurs, ne doibvent point estre comparez aux princes, comtes et escuyers qui sont devers nous : par quoy l'on peut ce compter et tenir pour la troisième bourde en ordre.
Sur le IIIIe article, commenceant : Là oà vous escripvez que vous retenez le tiltre, etc. La requeste qu'ils font afin de délaisser les armes et le tiltre est desraisonnable et faicte par aulcuns particuliers nos malveuillans, et non point par la généralité de nostredict pays de Flandres et aultres. Et quant à la communauté et subjectz de noz pays de Flandres et aullres nous requérant d'aulcune chose raisonnable, nous y ferons ainsy qu'il appartiendra. Mais là où ils dient audict article que nous portons les armes à injuste tiltre, cecy est par eux, et par les raisons mentionnées et déclarées aussy en noz aultres lettres, aussy menti et faulseinent dict contre la vérité, comme ils sont bien accoustumés de faire.
Sur le v° article, commenceant : Que nous après le trespas, etc. Sur ce pouvez considérer quel droict que les subjectz peuvent avoir de roster à leur seigneur son pays et luy désobéir, déchasser leur prince et bail de leur naturel seigneur, soubz ombre d'obéir à un enfant qui ne scait commander ne deifendre. Certes, leur vouloir n'est pas si grand envers leur seigneur, qu'ils sont enclins de dominer, et à emplir leurs bourses; et quoyquils dient au contraire, l'on le treuvera en la vérité aussy n'estre faulx, veu les alliances qu'ils ont voulu faire avec aultres, lesquelles, se Dieu ne les eust empeschc, nous eust esté, et aussy à nostredict filz, perpétuelle honte, esclandre et destruction.
Au VIe article : De la révocation de nostre commission, etc. Ou cas qu'ils ne se soient aydez de ladicte commission, de tant est leur abus et mesus plus grand.