Transcription(s) de cette page

Livre II page 15 (français)

HISTORIÆ LIBER II [Page] 15

oriente brumali uulturnus : Illum apelioten, hunc eurum Græci appelant. A meridie au
ster, & ab occasu brumali africus, noton & liba nominant : Ab occasu æquinoctiali fauo-
nius, ab occasu solstitiali corus, zephyron & argesten uocāt : A septētrionibus septētrio,
interque eum & exortum solstitialem aquilo, aparctias diciti & horeas. Numerisior ratio
quatuor his interiecerat, thrasciā, media regione inter septentrionem & occasum solstitia
lem : itemque cæcian, media inter aquilonem & exortū æquinoctialem : Ab ortu solstitiali
phœnician, media regione inter ortum brumalem & meridiem : Item inter liba & noton
compositum ex utroque medium, inter meridiem & hybernum occidentem, libanoton.
Nec finis : Alij quippe mesen nomine etiamnum addidere inter borean & cæcian, &
inter eurum & noton euronotum. Sunt etiam quidam peculiares quibusque gētibus uen-
ti, non ultra certum procedentes tractum : ut Atheniensibus sciron, paulum ab argeste
deflexus, reliquæ Græciæ ignotus. Aliubi elatior idem olympias uocatur. Consuetudo
omnibus his nominibus argesten intelligit : & cæcian aliqui uocant hellespōtium, & eos-
dem alibi aliter. Itē in Narbonensi prouincia clarissmus uentorū est circius, nec ulli uio-
lentia inferior, Ostiam plerunque recta Ligustico mari perferens : idem non modo in reli-
quis partibus cæli ignotus, sed ne Uiennam quidem eiusdem prouinciæ urbem attin-
gens, paucis ante limitibus iugi modici occursu tantus ille uentorum coercitus. Et au-
stros in Ægyptū penetrare negat Fabianus. Quo sit manifesta lex naturæ, uentis etiam
& tempore & fine dicto. Uer ergo aperit nauigantibus maria : cuius in principio, fauonij
hybernum molliunt cælum, sole aquarij XXV. obtinente partem. Is dies sextus est ante
Februarias Idus. Competit fermè & hoc omnibus quos deinde ponam, per singulas in-
tercalationes uno die anticipantibus, rursumque Iustro sequenti ordinē seruantibus. Fauo
nium quidam ad UII. Cal. Martij chelidonian uocant, ab hirundinis uisu : nonulli ue-
ro ornithian, uno & LXX. die post brumam, ab aduentu auium, flantem per dies IX. Fa
uonio contrarius est, quem subsolanum appellauimus. Datus est autē huic exortus Uer
giliarum in totidē partibus tauri, sex diebus ante Maias Idus, quod tempus austrinū est,
huic uento septentrione cōtrario. Ardentissimo autē æstatis tempore exoritur caniculæ
sidus, sole primā partem leonis ingrediēte : qui dies XV. ante Augustas Caleń. est. Huius
exortum diebus octo fermè aquilones antecedunt, quos prodromos appelant. Post bi-
duum autem exortus, ijdem aquilones constantius perflant diebus quadraginta, quos
etesias uocant. Molliri eius creditur solis uapor geminatus ardore sideris : nec ulli uentorū
magis stati sunt. Post eos rursus austri frequētes usque ad sidus Arcturi, quod exoritur XI
diebus ante æquinoctiū autumni. Cum hoc corus incipit. Corus autumnat : huic est con-
trarius uulturnus. Post id æquinoctiū diebus ferè quatuor & XL. Uergiliarum occasus
hyemem inchoat : quod tempus in III Idus Nouembris incidere consueuit : hoc est aqui-
Ionis hyberni, multumque æstiuo illi dissimilis, cuius ex aduerso est africus. Ante brumam
autem VII. diebus, totidemque postea, sternitur mare halycyonum fœturæ : unde nomen
hidies traxere : reliquū tempus hyemat. Nec tamen sæuitia tempestatū concludit mare.
Piratæ primum coegere mortis periculo in mortem ruere, & hyberna experiri maria :
nunc idem hoc auaritia cogit. Ventorū frigidissimi sunt quos à septentrione diximus
spirare, & uicinus his corus. ij & reliquos compescunt, & nubes abigunt. Humidi, afri-
cus, & præcipue auster Italiæ. narrant & in Ponto cæcian in se trahere nubes. Sicci co-
rus & uulturnus, præterquam desinentes. Niuales aquilo & septentrio. Grandines se-
ptentrio importat & corus. Aestuosus auster, & magis siccus, fortassis
quia humidus frigidior est. Minus esurire eo spirante creduntur animantes. Etesie noctu
desinunt ferè, & à tertia diei hora oriuntur. In Hispania & Asia ab oriente flatus est eo-
rum, in Ponto ab aquilone, reliquis in partibus à meridie. Spirant autem & à bruma cum
\b 2/ \uocan/